Isang Indonesian ay nagpakasal sa isang Rice Cooker, kinaaliwan sa social media.
Kinilala ang groom na Si Khoi-Rul Anam.
Kumalat sa Facebook ang wedding pictures ni Anam kasama ang kaniyang bride na rice cooker.
Makikita sa picture na mukhang pinaghandaan ni Anam ang kaniyang suot na puting damit pangkasal at nilagyan din nito ng veil ang kaniyang bride na rice cooker.
May picture din si Anam na hinahalikan nito ang rice cooker bilang simbolo ng first kiss nila bilang mag-asawa.
Hindi man pangkaraniwan ito, pero proud si Anam sa kaniyang naging desisyon sa buhay.
Hindi naman nagpahuli ang Pinoy netizens sa pagbati at pagkomento sa mag-asawa.
Ilan sa mga netizen ang nagsabing, hangad niya ang kaligayahan ng bagong kasal. Pero, may nagsabi ring “sana matapos na ang pandemya para makalabas na ang mga tao sa bahay” at may komento ring “when kanin is life…and kanin is love love”.
Inilagay din sa caption ng lalaki kung paano niya nilarawan ang kanyang asawa “Maputing plastic”, hindi masyado mahilig magsalita ngunit mahusay magluto.
Pinakita rin sa post ang kung paano hinalikan ng lalaki ang rice cooker, mayroon ding kuha na nakaupo sila sa mesa habang nilalagdaan ng lalaki ang mga papeles ng kanilang kasal.
Gayunpaman, ang lahat naganap ay isang biro lamang, siguro ay para lang makakuha ng kaunting katanyagan sa social media at internet. Lahat ata ng bagay ay gagawin ng ilan para lang makakuha ng kaunting katanyagan sa internet.
